Беҙҙең  Беренсе Этҡол   урта  мәктәбе балалар баҡсаһы менән тығыҙ бәйләнештә эшләй. Бына бөгөн дә бер нисә йыл рәттән башланғыс синыф уҡыусылары  буласаҡ беренселәр менән «Дуҫ булайыҡ!” исеме аҫтында  осрашыу сараһы үтте. Сараны ойоштороусы, беренсе синыфтарҙың  буласаҡ синыф етәксеһе Хасанова Альбина Азат ҡыҙы, балаларҙы уҡытыусылар, уҡыусылар менән таныштырҙы, Рыҫҡужина  Дилә Әхтәм ҡыҙы улар менән музейға, компьютер класына экскурсия  яһанылар,  мәктәп ашханаһын күрҙеләр. Байрамда буласаҡ уҡыусылар әкиәт батырҙары  менән бергә йомаҡтар систе, һанап күрһәтте, интерактив таҡтала эшләп ҡараны. Һуңынан балалар  төҫлө ҡәләмдәр менән һүрәт төшөрҙөләр. Сараның аҙағында  посылка менән Әкиәт иленән серле һандыҡ килеп төштө.