Берҙән – берем, күҙ нурым, тип 
Һәр саҡ арҡаңдан һөйә. 
Сирләгәндә төн йоҡламай, 
Зарыңды белә, көйә. 
Кем һуң ул һинең өсөн? 
Ул – һөйөклө әсәйем, - 
тигән матур шиғыр юлдары менән башланып китте 1-4 кластар әҙерләгән Әсәйҙәр байрамы. Ә ҡасан барлыҡҡа килгән һуң был байрам? Баҡтиһәң, Бөйөк Ватан һуғышы ваҡытында балаларын юғалтҡан әсәйҙәр бик күп күҙ йәштәре түгә. Әсәйҙәрҙең сабырлығы, түҙемлеге, хеҙмәте өсөн “Ҡаһарман әсәй” ордены булдырыла. 1998 йылдан алып, ноябрҙең һуңғы аҙнаһында, бөтә Рәсәйҙә “Әсәйҙәр көнө” билдәләнә башлаған икән. Әсәй ул – һәр кемдең иң ҡәҙерле, иң изге кешеһе. Бәпестең тәүге һүҙе лә “әсәй”. Әсәй беҙгә ғүмер бүләк иткән. Әсәйгә мөхәббәт – тәбиғәттән. Был тойғо мәңгелек. Балалар был байрамда Әсәйҙәргә бағышлап матур йырҙар йырланылыр, шиғырҙар һөйләнеләр, бүләктәр тапшырҙылар. Байрам «Рәхмәт һиңә әсәй» йыры менән тамамланды. Байрам менән, хөрмәтле Әсәйҙәр!!! 23.11.2016 й.