26 октябрь көнө мәктәптә яҡташыбыҙ-Башҡортостандың халыҡ шағиры Абдулхаҡ Игебаевтың яҡты иҫтәлегенә арналған шиғыр һөйләүселәр бәйгеһе үтте. 1-9-cы кластар араһында барған ярышта уҡыусылар әҙиптең төрлө йылдарҙа ижад ителгән шиғырҙарын яттан һөйләне, башланғыс класс уҡыусылары конкурсҡа айырыуса етди әҙерләгән ине. Бөтәһе 28 уҡыусы ҡатнашҡан бәйгенең еңеүсәләре өс этапта билдәләнде. 1-cе класс уҡыусылары араһынан беренсе урынды Азаматова Алтынай, 2-4-се кластар араһынан 3-cө класс алды. Урта класс уҡыусылары араһында барған ярышта 9-сы кластан Дәүләтбаева Тәскирәгә етеүсе булманы. Башланғыс класс уҡыусылары Кангилдин Эмиль һәм Йәнтүрина Алина дәртләндереү призына лайыҡ булды.