Беҙҙең мәктәптә тирә-яҡ мөхитте таҙартыу буйынса экологик субботниктар дауам итә. Бөгөн бөтә мәктәп уҡыусылары, уҡытыусылар һәм эшселәр бер һүҙҙән булып мәктәп территорияһын ҡый үләндәренән, сүп-сарҙан таҙартты, төҙөкләндереү эштәре менән булышты. Иң тәүҙә балалар менән хәүефһеҙлек ҡағиҙәләре буйынса инструктаждар үткәрелде. Бер кем дә был акцияға битараф ҡалманы. Кемдер көрәк, кемдер тырма, һепертке алып килгән. Ихлас эшләнек. Тейәлгән сүп-сар техника менән сүплеккә оҙатыла барҙы. Экологик өмәләр әле дауам итәсәк.