24 март  мәктәптә «Әлифба» байрамы үтте. Әлифбаны уңышлы тамамлауҙары менән ҡотларға байрамға ата-әсәләр, башланғыс класс уҡыусылары, уҡытыусылар йыйылды. Сентябрь айында мәктәпкә аяҡ баҫҡан кескәйҙәр үҙҙәренең тәүге уңыштары менән уртаҡлаштылар, алған белемдәрен күрһәттеләр, шиғырҙар һөйләнеләр, сәхнәләштереүҙәр, йырҙар йырланылар. Киләсәктә тағы ла тырышып уҡырҙар, төрлө ярыштарҙа әүҙем ҡатнашырҙар тигән өмөт уятты улар. Беренселәрҙе уҡырға өйрәтеүҙә күп көс түгеүсе ата-әсәләр,  беренсе уҡытыусылары Альбина Азат ҡыҙы Белем иленең юғары баҫҡысына күтәрелеүҙә балаларға уңыштар теләне. Байрамдан барыһы ла күтәренке кәйеф, дәрт, илһам алып таралышты.